(ក្រសួងពាណិជ្ជកម្ម)៖ នៅព្រឹកថ្ងៃព្រហស្បតិ៍ ៤រោច ខែអស្សុជ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២ ខែវិច្ឆិកា ឆ្នាំ២០២៣ លោកជំទាវ តាំង សុគន្ធមាលា ប្រតិភូតិភូរាជរដ្ឋាភិបាលកម្ពុជា ទទួលបន្ទុកជាអគ្គាធិការ និងលោក-លោកស្រីអគ្គាធិការរង បានអញ្ជើញចូលរួមកិច្ចប្រជុំប្រចាំសប្តាហ៍ របស់ក្រសួងពាណិជ្ជកម្ម ក្រោមអធិបតីភាពលោកជំទាវ តឹក រ៉េតកំរង រដ្ឋលេខាធិការក្រសួងពាណិជ្ជកម្ម។ កិច្ចប្រជុំប្រចាំសប្ដាហ៍នេះ បានប្រព្រឹត្តទៅ​ក្រោមរបៀបវារៈសំខាន់ៗ រួមមាន៖ (១)-របាយការណ៍របស់អគ្គនាយកដ្ឋានសេវាពាណិជ្ជកម្ម  (២)-របាយការណ៍របស់អគ្គនាយកដ្ឋាន​ការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ (៣)-របាយការណ៍របស់ក្រុមហ៊ុនហ្រ្គីនត្រេដ (៤)-របាយការណ៍របស់មន្ទីរពាណិជ្ជកម្មសៀមរាប (៥)-របាយការណ៍​របស់មន្ទីរពាណិជ្ជកម្មខេត្តកែប និង(៦)-បញ្ហាផ្សេងៗ